បុរសម្នាក់ឌុបប្រពន្ធពោះធំទៅមន្ទីរពេទ្យក៍សម្រាលកូនលើផ្លូវថ្នល់
28-June-2016 | ដោយ មែន កំសត់
ភ្នំពេញ៖បុរសម្នាក់បានឌុបប្រពន្ធមាន ផ្ទៃពោះ៧ខែតាមម៉ូតូទៅមន្ទីរពេទ្យព្រះកុសុម:ស្រាប់តែប្រពន្ធមាន សភាពមិនស្រួលក៍សម្រាលកូននៅលើចិញ្ចើមថ្នល់តាមផ្លូវសហព័ន្ធរុស្សី ក្បែរនិងវិមានសន្តិភាពក្នុងសង្កាត់ស្រះចកខណ្ឌដូនពេញកាលពីយប់ រំលងអធ្រាត្រចូលថ្ងៃទី២៨ខែមិថុនាឆ្នាំ២០១៦។
ខណ:ពេលមាន ធុរ:ភ័យព្រួយជាមួយការជួយជ្រុំជ្រែងពីបងប្អូនអ្នកដំណើរនោះបុរស ជាប្ដីបានឲ្យដឹងថាខ្លួនឈ្មោះនីមុខរបរជាអ្នករត់ម៉ូតូឌុបនិង ប្រពន្ធឈ្មោះភីមុខរបរនៅផ្ទះសពថ្ងៃស្នាក់នៅសង្កាត់ព្រែកលៀបខណ្ឌ ជ្រោយចង្វា។បុរសជាប្ដីបានឲ្យដឹងទៀតថាកាលពីល្ងាច(ថ្ងៃទី២៧ មិថុនា)មុនពេលកើតហេតុរូបគាត់(ប្តី)បានឃើញប្រពន្ធដូចជាមានអាកា រៈឈឺពោះដោយសង្ស័យគាត់ក៍បានសួរទៅប្រពន្ធម្ដងជា២ដងតែប្រពន្ធ របស់គាត់ក៍បានឆ្លើយតបមកគាត់ថាមិនអីទេព្រោះគាត់ពពោះទើបតែបាន៧ ខែប៉ុណ្ណោះ។
បុរសជាប្តីបានបន្តថាលុះដល់ពេលយប់ថ្ងៃដដែល ស្រាប់តែប្រពន្ធរបស់គាត់ក៍មានអាការៈឈឺពោះយ៉ាងខ្លាំងគាត់ប្រញាប់យក ម៉ូតូដឹកទៅមន្ទីរពេទ្យព្រះកុសមៈភា្លមៗ។ពេលកំពុងធ្វើដំណើរដល់ ចំណុចកើតហេតុដោយសារតែអាការៈរបស់ប្រពន្ធគាត់កាន់មិនស្រួលខ្លាំង ឡើងៗគាត់បានឈប់ម៉ូតូនៅកណ្ដាលផ្លូវហើយដាក់ប្រពន្ធរបស់គាត់ដេក នៅលើផ្លូវស្រាប់តែប្រពន្ធបានបង្កើតកូនតែម្តងដោយកូននោះប្រុស។
បន្ទាប់មក ត្រូវបានប្រជាពលរដ្ឋដែលធ្វើដំណើរតាមដងផ្លូវឃើញក៍នាំគ្នាជួយ សម្រួលចរាចរណ៍និងទូរស័ព្ទហៅរថយន្ដសាមុយរបស់មន្ទីរពេទ្យកាលម៉ែតមក ដឹកស្ដ្រីដែលកំពុងសម្រាលកូននោះយកទៅសង្គ្រោះភ្លាមៗ។
ក្រោយពេលកើតហេតុរថយន្ដសាមុយរបស់មន្ទីរពេទ្យកាលម៉ែតបានមកដឹកស្ដ្រី នោះទៅសង្គ្រោះនៅមន្ទីរពេទ្យដោយសុវត្ថិភាព។តែបុរសជាប្ដីនៅតែមាន ការព្រួយបារម្ភដោយសារជីវភាពរបស់គាត់ជួបនិងការលំបាកក្រីក្រគាត់ មានតែលើកម្រាមដៃទាំង១០សូមអង្វរដល់សម្បុរសជនមេត្តាជួយផ្ដល់ជំនួយ សម្បុរសធម៌ ដល់រូបគាត់ផង៕
ចំនួនអ្នកទស្សនា
- ថ្ងៃនេះ8601
- ម្សិលមិញ14181
- សប្តាហ៍នេះ8601
- ខែនេះ123751
- ឆ្នាំនេះ123751
- សរុប20566207